აშშ-ის პრეზიდენტის, დონალდ ტრამპის განცხადებით, ამერიკის შეერთებული შტატებისა და რუსეთის წარმომადგენლების შეხვედრა დღეს ან ხვალ გაიმართება.
როგორც „სქაი ნიუსი“ წერს, აღნიშნული განცხადება ტრამპმა აშშ-სა და უკრაინის დელეგაციების საუდის არაბეთში გამართული მოლაპარაკებების შემდეგ გააკეთა.
ამასთან, დონალდ ტრამპის თქმით, უკრაინის პრეზიდენტს, ვოლოდიმირ ზელენსკის თეთრ სახლში მიიწვევს.
საუდის არაბეთში გამართული მოლაპარაკებების შემდეგ, უკრაინისა და აშშ-ის დელეგაციების ერთობლივი განცხადება გამოქვეყნდა, რომლის თანახმადაც, უკრაინა ცეცხლის 30-დღიანი შეწყვეტისთვის მზადაა, აშშ კი განაახლებს სადაზვერვო ინფორმაციის გაზიარებასა და უკრაინის სამხედრო დახმარებას. ამასთან, როგორც აშშ-ის სახელმწიფო მდივანმა, მარკო რუბიომ განაცხადა, ახლა ამ შეთავაზებას რუსეთს წარუდგენენ და იმედოვნებს, რომ ისინიც დათანხმდებიან.
