ჯორჯია მელონის სიმამაცე აკლია, შოკირებული ვარ მისით, არ ადარდებს, ექნება თუ არა ირანს ბირთვული იარაღი, მას რომ ჰქონდეს ასეთი შესაძლებლობა, ორ წუთში ააფეთქებდა იტალიას,- აცხადებს აშშ-ის პრეზიდენტი დონალდ ტრამპი.
იტალიურ გამოცემასთან საუბრისას ტრამპმა დასვა კითხვა, „მოსწონთ თუ არა იტალიელებს ის ფაქტი, რომ პრემიერ-მინისტრი მელონი აშშ-ს არ უწევს არანაირ დახმარებას ჰორმუზის სრუტის საკითხში?“.
„ხალხს ეს მოსწონს? ვერ წარმომიდგენია. შოკირებული ვარ მისით. მეგონა, მას ჰქონდა სიმამაცე, მაგრამ შევცდი“, – განაცხადა ტრამპმა.
დონალდ ტრამპის თქმით, მელონი „ფიქრობს, რომ ამერიკამ უნდა გააკეთოს საქმე მის ნაცვლად“.
მანამდე, ჯორჯია მელონიმ რომის პაპთან დაკავშირებით აშშ-ის პრეზიდენტის კომენტარები „მიუღებლად“ შეაფასა.
„მიუღებელი ის არის, რომ არ ადარდებს, ექნება თუ არა ირანს ბირთვული იარაღი — და მას რომ ჰქონდეს ასეთი შესაძლებლობა, ორ წუთში ააფეთქებდა იტალიას“, – აღნიშნა ტრამპმა.
