შესაძლოა, ირანთან მოლაპარაკებები „მომდევნო ორი დღის განმავლობაში“ განახლდეს,- განაცხადა აშშ-ს პრეზიდენტმა, დონალდ ტრამპმა.
„შესაძლოა, მომდევნო ორ დღეში რაღაც მოხდეს. ჩვენ უფრო მეტად გვაქვს სურვილი, პაკისტანში გავემგზავროთ“, – აღნიშნა შეერთებული შტატების პრეზიდენტმა.
ცნობისთვის, გასულ კვირას ისლამაბადში აშშ-ისა და ირანის დელეგაციებს შორის მოლაპარაკებები გაიმართა. შეხვედრაში მონაწილეობდნენ, მათ შორის, აშშ-ის ვიცე-პრეზიდენტი ჯეი დი ვენსი და ირანის პარლამენტის სპიკერი, თუმცა მხარეებმა შეთანხმებას ვერ მიაღწიეს.
