ამერიკის შეერთებული შტატების ყოდილმა პრეზიდენტმა, დონალდ ტრამპმა, უკრაინაში რუსეთის საბრძოლო ქმედებებს გენოციდი უწოდა. ამის შესახებ ტრამპმა Fox News-თან ინტერვიუში ისაუბრა.
ინტერვიუს დროს დონალდ ტრამპი აშშ-ს მოქმედ პრეზიდენტს, ჯო ბაიდენს აკრიტიკებდა იმ პოლიტიკისთვის, რამაც, ტრამპისვე თქმით, რეკორდული ინფლაცია გამოიწვია და შემდგომ დასძინა – “ახლა ამას დაუმატეთ ის, რაც ხდება უკრაინაში. ეს არის გენოციდი”.
