აშშ-ის პრეზიდენტმა დონალდ ტრამპმა განაცხადა, რომ თეთრი სახლის სიტუაციურ ოთახში შედის „საბოლოო გადაწყვეტილების“ მისაღებად. პრეზიდენტი, სავარაუდოდ, გულისხმობს ურთიერთგაგების მემორანდუმს (MoU), რომელიც ირანთან ცეცხლის შეწყვეტის რეჟიმის გაგრძელებასა და ჰორმუზის სრუტის ხელახლა გახსნას ითვალისწინებს.
გუშინ თეთრმა სახლმა განაცხადა, რომ აშშ-ისა და ირანის მოლაპარაკებების ჯგუფებმა მემორანდუმის ტექსტზე შეთანხმებას მიაღწიეს, თუმცა მას ტრამპის საბოლოო დასტური სჭირდებოდა. თავის მხრივ, ირანმა უარყო, რომ დოკუმენტზე საბოლოო თანხმობა განაცხადა. არსებული ინფორმაციით, ისრაელშიც მიიჩნევენ, რომ ირანის უზენაელ ლიდერს, მოჯთაბა ხამენეის მემორანდუმისთვის ხელი ჯერ არ მოუწერია.
„სხვა, ბევრად ნაკლებად მნიშვნელოვან საკითხებზე შეთანხმება მიღწეულია. ახლა მივდივარ სიტუაციურ ოთახში შეხვედრაზე, რათა საბოლოო გადაწყვეტილება მივიღო“, — განაცხადა ტრამპმა.
