CNN-ის ინფორმაციით, აშშ-ის პრეზიდენტმა დონალდ ტრამპმა განაცხადა, რომ ვაშინგტონი ირანთან მოლაპარაკებების გაგრძელებას დათანხმდა, თუმცა თეირანს მკაფიოდ შეატყობინა, რომ ცეცხლის შეწყვეტის რეჟიმი აღარ მოქმედებს.
„ირანის ისლამურმა რესპუბლიკამ გვთხოვა, გავაგრძელოთ „მოლაპარაკებები“. ჩვენ დავთანხმდით ამაზე, თუმცა ამერიკის შეერთებულმა შტატებმა მათ კატეგორიულად განუცხადა, რომ ცეცხლის შეწყვეტა დასრულებულია!“ — დაწერა ტრამპმა საკუთარ სოციალურ ქსელში, Truth Social-ზე.
მიმდინარე კვირაში აშშ-მა ირანის მიმართულებით არაერთი საჰაერო დარტყმა განახორციელა, რაც თეირანის მიერ ჰორმუზის სრუტეში რამდენიმე გემზე თავდასხმას მოჰყვა.
