აშშ-ის პრეზიდენტი, დონალდ ტრამპი აცხადებს, რომ ირანთან დაკავშირებით მხოლოდ 2 ვარიანტს – სამხედრო დაპირისპირების ესკალაციას ან შეთანხმების მიღწევას განიხილავს.
“მათ სურთ გარიგების დადება, მაგრამ მე ამით კმაყოფილი არ ვარ… მათ გარკვეულ პროგრესს მიაღწიეს, მაგრამ დარწმუნებული არ ვარ, რომ ისინი საბოლოო შედეგამდე ოდესმე მივლენ. ხელმძღვანელობა ძალიან დანაწევრებულია. იქ არის ორი-სამი ჯგუფი, შეიძლება ოთხიც კი და ეს ძალიან არაერთგვაროვანი ხელმძღვანელობაა. ამასთანავე, ყველას სურს გარიგების დადება, მაგრამ ისინი სრულიად არეულები არიან” ,_ განაცხადა აშშ-ის პრეზიდენტმა, დონალდ ტრამპმა და აღნიშნა, რომ უკმაყოფილოა ირანის ბოლო მოლაპარაკების წინადადებით ომის დასრულების შესახებ.
მანამდე, ირანმა ამერიკის შეერთებულ შტატებთან მოლაპარაკებების შესახებ ახალი სამშვიდობო წინადადება პაკისტანელ შუამავლებს გაუგზავნა. ჯერჯერობით უცნობია, რას მოიცავს ირანის ახალი წინადადება.
