აშშ-ის პრეზიდენტმა დონალდ ტრამპმა ირანი ჰორმუზის სრუტეში ცეცხლის შეწყვეტის შესახებ გასულ კვირას გაფორმებული მემორანდუმის დარღვევაში დაადანაშაულა. ტრამპის განცხადებით, თეირანმა გემების მიმართულებით ოთხი „საბრძოლო დრონი“ გაუშვა.
აშშ-ის პრეზიდენტის თქმით, ერთ-ერთმა დრონმა მნიშვნელოვანი ზიანი მიაყენა დიდი ზომის სატვირთო გემის ზედა გემბანს, თუმცა გემმა სვლის გაგრძელება შეძლო.
ტრამპის მტკიცებით, აშშ-მა დარჩენილი სამი დრონი ჩამოაგდო.
„Truth Social“-ზე გამოქვეყნებულ პოსტში ტრამპმა აღნიშნული ქმედება „ცეცხლის შეწყვეტის შეთანხმების უგუნურ დარღვევად“ შეაფასა, თუმცა კონკრეტული ზომები ან შესაძლო შედეგები არ დაუზუსტებია.
