აშშ-ის პრეზიდენტმა, დონალდ ტრამპმა ირანი ცეცხლის შეწყვეტის შეთანხმების დარღვევაში დაადანაშაულა.
დონალდ ტრამპის განცხადებით, ირანმა ჰორმუზის სრუტეში მცურავ გემებზე, სულ მცირე, ოთხი უპილოტო საფრენი აპარატით განახორციელა თავდასხმა.
აშშ-ის პრეზიდენტი სოციალურ ქსელში წერს, რომ ერთი უპილოტო საფრენი აპარატი ძვირად ღირებული გემის გემბანს მოხვდა, რომელსაც ტვირთი გადაჰქონდა.
„დაზიანდა, მაგრამ გემმა შეძლო გზის გაგრძელება. ჩვენ ჩამოვაგდეთ კიდევ სამი დრონი. ეს, რა თქმა უნდა, ცეცხლის შეწყვეტის შეთანხმების უაზრო დარღვევაა“, – წერს ტრამპი სოციალურ ქსელში.
