ირანი ჩვენთან სერიოზულ მოლაპარაკებებს აწარმოებს,- ამის შესახებ აშშ-ის პრეზიდენტმა, დონალდ ტრამპმა ჟურნალისტებს Air Force One-ის ბორტზე განუცხადა.
„ჩვენთან ისინი სერიოზულ მოლაპარაკებებს აწარმოებენ. შეიძლება, შეთანხმებას მიაღწიონ, რომელიც მისაღები იქნება ბირთვული იარაღის გარეშე. მათ ეს უნდა გააკეთონ, მაგრამ არ ვიცი, გააკეთებენ თუ არა ამას“, – აღნიშნა აშშ-ის პრეზიდენტმა.
ამასთან, კითხვაზე, ირანის წინააღმდეგ პოტენციური დარტყმების შესახებ საბოლოო გადაწყვეტილება მიიღო თუ არა, ტრამპმა უპასუხა, რომ „ამის შესახებ საუბარი არ შეუძლია“.
„ბუნებრივია, რომ ამის შესახებ ვერ გეტყვით, მაგრამ იმ მიმართულებით ძალიან ძლიერი გემები მიემართებიან“, – განაცხადა აშშ-ის პრეზიდენტმა.
