„უკეთესი ვერ იქნებოდა“ – ასე შეაფასა უკრაინის პრეზიდენტი აშშ-ის პრეზიდენტმა, ნატოს სამიტის ფარგლებში მასთან პირისპირ შეხვედრის შემდეგ. დონალდ ტრამპმა აგრეთვე აღნიშნა, რომ ვოლოდიმირ ზელენსკის სურს ომის დასრულება – „ვფიქრობ შესანიშნავი დროა მის დასასრულებლად“ – განაცხადა ტრამპმა და დასძინა, რომ აპირებს რუსეთის პრეზიდენტთან დალაპარაკებას – „ვნახოთ, თუ შევძლებთ ამის [ომის] დასრულებას“. აშშ-ის პრეზიდენტმა განაცხადა, რომ უკრაინელები „მამაცი ხალხია“. ტრამპმა მორიგჯერ გაუსვა ხაზი რუსეთ-უკრაინის ომში მსხვერპლის მასშტაბს: „გასულ კვირაში შვიდი ათასამდე ახალგაზრდა ჯარისკაცი – რუსი და უკრაინელი იყო მოკლული. შვიდი ათასი, ერთ კვირაში – ეს სიგიჟეა! ასე რომ, დაველაპარაკები ვლადიმირ პუტინს. კარგი შეხვედრა მქონდა ზელენსკისთან… ის მამაცურ ბრძოლაშია. ეს მძიმე ბრძოლაა“.
