აშშ-ის პრეზიდენტი დონალდ ტრამპი წერს, რომ აშშ-ის სამხედრო ძალებმა ირანის 9 სამხედრო-საზღვაო ხომალდი ჩაძირეს. ის ამბობს, რომ მალე სხვა ხომალდებიც “ზღვის ფსკერზე აღმოჩნდებიან”.
“ახლახან შემატყობინეს, რომ ჩვენ გავანადგურეთ და ჩავძირეთ ირანის 9 სამხედრო-საზღვარო ხომალდი, მათგან ზოგი საკმაოდ დიდი და მნიშვნელოვანი იყო. დანარჩენების წინააღმდეგაც მივდივართ – მალე ისინიც ზღვის ფსკერზე აღმოჩნდებიან! ხვა შეტევისას, ჩვენ მათი საზღვაო შტაბ-ბინა მეტწილად გავანადგურეთ. სხვა მხრივ, მათი ფლოტს საქმე ძალიან კარგად მიდის!”, – წერს ის.
28 თებერვალს, აშშ-მა და ისრაელმა ირანზე ერთობლივი საჰაერო იერიში მიიტანეს. სამიზნე ქვეყნის პოლიტიკური და სამხედრო ხელმძღვანელობაა.
აშშ-ის პრეზიდენტმა ირანელ ხალხს მოუწოდა, ისარგებლონ მომენტით და “აიღონ კონტროლი საკუთარ მთავრობაზე”. ნეთანიაჰუს განცხადებით, მიზანი “აიათოლას რეჟიმის დასრულებაა”.
1-ელ მარტს ცნობილი გახდა, რომ აიათოლა ალი ხამენეი ლიკვიდირებულია. გარდა ამისა, მასთან ერთად მოკლულია მისი რამდენიმე ნათესავი. ასევე, ირანის სახელმწიფო მედიამ დაადასტურა, რომ აშშ-სა და ისრაელის მიერ ირანზე განხორციელებული თავდასხმების შედეგად ირანის თავდაცვის მინისტრი და შეიარაღებული ძალების შტაბის უფროსი დაიღუპნენ.
ასევე, ისრაელისა და ამერიკის შეერთებული შტატების მიერ ირანის ტერიტორიაზე განხორციელებული იერიშების შედეგად, დაიღუპა ირანის ისლამური რევოლუციური გვარდიის კორპუსის (IRGC) რამდენიმე მაღალი რანგის მეთაური და ისლამური რეჟიმის პოლიტიკური ხელმძღვანელობის წარმომადგენლები.
აშშ-სა და ისრაელის მიერ ირანზე განხორციელებული თავდასხმებიდან ერთი დღის შემდეგ, რის ფარგლებშიც მოკლულია აიათოლა ალი ხამენეიც – პრეზიდენტმა დონალდ ტრამპმა The Atlantic-ს უთხრა, რომ ირანის ახალ ხელმძღვანელობას მასთან მოლაპარაკება სურს, რაზეც ის თანახმაა.
“მათ საუბარი უნდათ და მე დავთანხმდი საუბარს, ასე რომ მათთან ვისაუბრებ. ეს ადრე უნდა გაეკეთებინათ. უფრო ადრე უნდა შეეთავაზებინათ ის, რაც ძალიან პრაქტიკული და მარტივი გასაკეთებელი იყო. ძალიან დააგვიანეს”, – უთხრა დონალდ ტრამპმა სატელეფონო საუბარში The Atlantic-ს.
კითხვას, დღეს გაიმართება თუ არა მასსა და ირანის ახალ ხელმძღვანელობას შორის დიალოგი, დონალდ ტრამპმა უპასუხა: “ამის თქმა არ შემიძლია”.
მან ასევე აღნიშნა, რომ ზოგიერთი ირანელი მაღალჩინოსანი, რომელიც ბოლო კვირების მოლაპარაკებებში იყო ჩართული, უკვე აღარ არის ცოცხალი.
“ამ ადამიანების უმეტესობა აღარ არის. ზოგიერთი მათგანი, ვისთანაც საქმე გვქონდა, აღარ არის, იმიტომ რომ ეს დიდი – ეს ძალიან დიდი დარტყმა იყო”, – თქვა დონალდ ტრამპმა.
1-ელ მარტს ცნობილი გახდა, რომ აიათოლა ალი ხამენეი ლიკვიდირებულია. გარდა ამისა, მასთან ერთად მოკლულია მისი რამდენიმე ნათესავი. ასევე, ირანის სახელმწიფო მედიამ დაადასტურა, რომ აშშ-სა და ისრაელის მიერ ირანზე განხორციელებული თავდასხმების შედეგად ირანის თავდაცვის მინისტრი და შეიარაღებული ძალების შტაბის უფროსი დაიღუპნენ.
ასევე, ისრაელისა და ამერიკის შეერთებული შტატების მიერ ირანის ტერიტორიაზე განხორციელებული იერიშების შედეგად, დაიღუპა ირანის ისლამური რევოლუციური გვარდიის კორპუსის (IRGC) რამდენიმე მაღალი რანგის მეთაური და ისლამური რეჟიმის პოლიტიკური ხელმძღვანელობის წარმომადგენლები.
28 თებერვალს, აშშ-მა და ისრაელმა ირანზე ერთობლივი საჰაერო იერიში მიიტანეს. სამიზნე ქვეყნის პოლიტიკური და სამხედრო ხელმძღვანელობაა.
აშშ-ის პრეზიდენტმა ირანელ ხალხს მოუწოდა, ისარგებლონ მომენტით და “აიღონ კონტროლი საკუთარ მთავრობაზე”. ნეთანიაჰუს განცხადებით, მიზანი “აიათოლას რეჟიმის დასრულებაა”.
თეირანმა რაკეტებით და დრონებით შეუტია ისრაელისა და აშშ-ის ბაზებს რეგიონში. აფეთქებები მოხდა დუბაიში, ბაჰრეინში, ქუვეითსა და კატარში.
თეირანში ქალაქში სამთავრობო კვარტალი გადაკეტილია, მოსახლეობას კი თავშესაფრებში დარჩენისკენ მოუწოდებენ.
