თეთრი სახლის ყოფილი ლიდერი დონალდ ტრამპი აშშ-ის მოქმედი პრეზიდენტის ჯო ბაიდენის კონგრესში სიტყვით გამოსვლას გამოეხმაურა და „მრისხანე“ უწოდა.
ტრამპმა თქვა, რომ ბაიდენს სურს, შეერთებული შტატები მიგრანტებით გაივსოს.
„ეს იყო განრისხებული, პოლარიზებული და სიძულვილით სავსე გამოსვლა. მას სურს, რომ ჩვენი ქვეყანა მიგრანტებით გაივსოს. დანაშაული გაიზრდება იმ დონემდე, რომელიც აქამდე არ გვინახავს და ეს ძალიან სწრაფად ხდება“, – აცხადებს ტრამპი.
გარდა ამისა, აშშ-ის ყოფილმა პრეზიდენტმა მოქმედი პრეზიდენტი კრემლის ლიდერისა და ირანის მიმართ პოზიციის გამო გააკრიტიკა.
„მან პუტინს უკრაინა გადასცა“, – განაცხადა ტრამპმა.
ამასთანავე, ტრამპმა თქვა, რომ ჯო ბაიდენმა ირანი გაამდიდრა.
„სწორედ, ამიტომ გვაქვს ჩვენ პრობლემები ახლო აღმოსავლეთში“, – აღნიშნა ტრამპმა.