ჩინეთის ჩრდილოეთით, შანსის პროვინციაში მდებარე ნახშირის შახტში მომხდარი მძლავრი აფეთქების შედეგად, ბოლო მონაცემებით, სულ მცირე 82 ადამიანი დაიღუპა. ინფორმაციას ჩინეთის სახელმწიფო მედია Xinhua ავრცელებს.
ტრაგედია ცინუანის რაიონში მდებარე „ლიუშენიუს“ (Liushenyu) ნახშირის მაღაროში მოხდა. ოფიციალური უწყებების ცნობით, აფეთქების მომენტში მიწისქვეშ, სამუშაო ცვლაში, 247 თანამშრომელი იმყოფებოდა.
ამ დროისთვის მაშველები კიდევ 9 დაკარგულ მუშას ეძებენ, რომელთა ბედიც უცნობია. მიწისზედა და მიწისქვეშა სამძებრო-სამაშველო ოპერაცია უწყვეტ რეჟიმში მიმდინარეობს.
