ტყიბულში მიმდინარე მოვლენებზე პროფკავშირები პრემიერ-მინისტრს მიმართავს

region
ავტ.: region სექტემბერი 25, 2019 17:03

ტყიბულში მიმდინარე მოვლენებზე პროფკავშირები პრემიერ-მინისტრს მიმართავს

საქართველოს პროფესიული კავშირების გაერთიანება პრემიერ მინისტრ გიორგი გახარიას მიმართავს, სასწრაფოდ მოიწვიოს სოციალური პარტნიორობის სამმხრივი კომისიის სხდომა, ტყიბულში არსებული კრიზისული ვითარების განსახილველად.

საქართველოს პროფკავშირების გაერთიანების შეფასებით, ტყიბულში არსებული სიტუაცია მძიმეა და სასწრაფო გადაწყვეტას საჭიროებს.

“აუცილებელია საზოგადოებამ და ინვესტორებმა გააცნობიერონ, რომ შახტები უფრო სოციალური პროექტია ვიდრე მხოლოდ ბიზნეს პროექტი და მეტი ძალისხმევა და ყველა რესურსის გამოყენებაა საჭირო სახელმწიფოსა და ბიზნესის მხრიდან, რათა ქალაქმა შეინმარჩუნოს სიცოცხლე. აღმაშფოთებელია, მეშახტეებისთვის იმ მიზერული ხელფასის დამადლება, რომელსაც წელიწადია იძულებითი უმუშევრობის პირობებში იღებენ, თუმცა ეს თანხაც არაა საკმარისი მათი ოჯახების გამოსაკვებად. ხელფასის ყოველი გადაცილებული დღე ტყიბულისთვის ტრაგედიაა, კომპანია კი უკვე სამი კვირაა ვერ უზრუნველყოფს თანხის გადახდას, რაც სერიოზული უპასუხისმგებლობაა,” – ნათქვამია პროფკავშირების მიერ გავრცელებულ განცხადებაში.

ტყიბულში მეშახტეების აქცია ორი დღეა მიმდინარეობს, ტყიბულის მერიის წინ საპროტესტო აქცია ხვალ დილამდე შეწყდა, თუმცა შახტებში 30-მდე მეშახტე რჩება და შიმშილობას აგრძელებს.

region
ავტ.: region სექტემბერი 25, 2019 17:03

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,506
ვიზიტორი
დღეში
Powered By Google Analytics