უკრაინის უმაღლესი რადას ფრაქცია “ბატკივშინას” ლიდერი, იულია ტიმოშენკო დონბასში საომარი მდგომარეობის შემოღებას მოითხოვს – უკრაინული მედია ავრცელებს. “აუცილებელია შემოვიღოთ ოკუპირებული ტერიტორიების შესახებ კანონი, აუცილებელია დონბასის და ლუგანსკის მხარეებში საომარი მდგომარეობის შემოღება. უნდა აიკრძალოს ოკუპირებული ტერიტორიებით ვაჭრობა” – განაცხადა დეპუტატმა რადას სხდომაზე.
შეგახსენებთ, რომ დონბასში მას შემდეგ გართულდა სიტუაცია, რაც უკრაინის არმიამ იანვრის ბოლოს შეტევა დააანონსა. ბრძოლები, რომელიც ავდეევკოსთან მიმდინარეობს, 2015 წლის შემდეგ, ყველაზე ძლიერია.
