ჩვენს ხელთ არსებული ინფორმაციით, ამ ეტაპისთვის მეგი ბაქრაძის გარდაცვალების საქმეზე გარკვეულ გადაცდომებთან დაკავშირებით საუბარი გაგვიჭირდება, ველოდებით დასკვნას, – ამის შესახებ ჯანდაცვის მინისტრმა, ეკატერინე ტიკარაძემ განაცხადა.
„ჩვენთვის მნიშვნელოვანია სამხარაულის ეროვნული ბიუროს დასკვნა, რომელსაც ჯანდაცვის სამინისტრო და მარეგულირებელი ელოდება. ეს გახდება ერთ-ერთი მთავარი პირობა იმისთვის, რომ ჩვენმა ექსპერტებმა უკვე იმსჯელონ იმ შესაძლო გადაცდომების შესახებ, თუ ესეთი რამ ზოგადად იყო. თუმცა, ამ ეტაპისთვის, ჩვენს ხელთ არსებული ინფორმაცით, იქ გარკვეულ გადაცდომებზე საუბარი ალბათ გაგვიჭირდება“,- განაცხადა ეკატერინე ტიკარაძემ.