ტიკარაძე – არ გვაქვს შიში, რომ ვაქცინის დოზების ათვისება ვერ მოხდება

არ გვაქვს განსაკუთრებული შიში, რომ დოზების ათვისება ვერ მოხდება. საბჭოს აქვს თავისი კალენდარი, რომლის მიხედვითაც ვხელმძღვანელობთ. საბჭო იკრიბება და იღებს გადაწყვეტილებას იმის თაობაზე, თუ როგორ გაფართოვდება ვაქცინაციის პროცესი. ასე გაგრძელდება ამ პროცესის მართვა, – ამის შესახებ საქართველოს ჯანდაცვის მინისტრმა, ეკატერინე ტიკარაძემ მთავრობის სხდომის დასრულების შემდეგ განაცხადა.

ტიკარაძის თქმით, ის რეგიონებში ჩასვლას აპირებს და ვაქცინაციის პროცესს ადგილზე გაეცნობა.

„ჩვენი სტრატეგია არის შემდეგი, რეგიონულ დონეზე ყველგან გავეცნობი, თუ რა სიტუაციაა და ვაქცინაციის პროცესის ნელა მიმდინარეობასაც ადგილზე ვნახავ. საბჭოს ფორმატში ვიმსჯელოთ ყველა მიზეზ-შედეგობრივ კავშირზე ვაქცინაციის პროცესის უკეთ წარმართვისთვის. ხვალ ვიზიტს ვგეგმავ გურიასა და აჭარაში, ასე გაგრძელდება ყველა სხვა რეგიონში. საბჭოს სხვა წევრების მხრიდანაც იქნება მოსახლეობასთან აქტიური კომუნიკაცია“, – განაცხადა ტიკარაძემ.

ვირუსის ბლოკატორები
წინა სტატიაშიდღეიდან ვაქცინაციას 65 წელს ზემოთ მოქალაქეებიც გაიკეთებენ
შემდეგი სტატიაეკატერინე ტიკარაძე – მედდის გარდაცვალების საქმეზე რეგულირების სააგენტო მოკვლევას აგრძელებს