ხვალ, 26 დეკემბერს Ту-154-ის ავიაკატასტროფაში დაღუპულების ხსოვნის პატივსაცემად, რომელიც რამდენიმე საათის წინ მოხდა, რუსეთში გლოვის დღე გამოცხადდა. “ხვალ რუსეთში საერთო ეროვნული გლოვის დღე გამოცხადდა” – განაცხადა პუტინმა ჟურნალისტებთან საუბარში.
თავდაცვის სამინისტროს თვითმფრინავი Ту-154 დღეს დილით სოჭთან დაიკარგა რადარებიდან. ის სირიის პროვინცია ლატაკიაში მიემართებოდა და პრაქტიკულად, აფრენისთანავე ჩამოვარდა. ბორტზე 92 ადამიანი იმყოფებოდა – ეკიპაჟის 8 წევრი და 84 მგზავრი, მათ შორის 65 მუსიკალური გუნდის წევრი და 9 რუსი ჟურნალისტი.
თვითმფრინავის ჩამოვარდნის ადგილზე სამაშველო ოპერაცია მიმდინარეობს. აღძრულია სისხლის სამართლის საქმე. ძალოვან სტრუქტურებში ტერაქტის ვერსიასაც არ გამორიცხავენ.