თურქეთის პრემიერ-მინისტრის აჰმედ დავუთოღლუს განცხადებით, პირი რომელმაც სტამბოლის ცენტრში თავი აიფეთქა ტერორისტული დაჯგუფება “ისლამური სახლმწიფოს” წევრი იყო.
როგორც დავუთოღლუმ აღნიშნა, თვითმკვლელი-ტერორისტი უცხო ქვეყნის მოქალაქე იყო.
“ჩვენ ვიცით, რომ ამ ტერაქტის განმახორციელებელი იყო უცხოელი, “ისლამური სახელმწიფოს” წევრი. მინდა ხაზი გავუსვა, რომ ჩვენ გავაგრძელებთ ბრძოლას ამ დაჯგუფების წინააღმდეგ”, – განაცხადა თურქეთის პრემიერ-მინისტრმა.
შეგახსენებთ, რომ სტამბოლის ცენტრში ძლიერი აფეთქება ადგილობრივი დროით 10:20 საათზე მოხდა. თვითმკვლელმა-ტერორისტმა თავი სულთანახმეტის ისტორიულ რაიონში აიფეთქა, სადაც ტურისტებიც იმყოფებოდნენ. ბოლო მონაცემებით, ტერაქტის შედეგად 10 ადამიანი გარდაიცვალა, 15 კი დაშავდა. არსებული ინფორმაციით დაღუპულთაგან 9 ადამიანი გერმანიის მოქალაქეა