თურქეთში მომხდარი სამხედრო გადატრიალების მცდელობის ფაქტზე ათამდე უცხოეთის მოქალაქე დააკავეს -ამის შესახებ ქვეყნის პრემიერ-მინისტრმა ნუმან კურტულმუშმა განაცხადა. მათი მოქალაქეობის შესახებ ინფორმაცია არ ვრცელდება.
პრემიერმა დაამატა, რომ 216 სამხედრო, რომლებიც ამბოხებასთან კავშირში არიან, ძებნაშია, მათ შორის 9 გენერალია.
თურქეთში სამხედრო გადატრიალების მცდელობა 15-16 ივლისს მოხდა. აღნიშნულ ღამეს ასობით ადამიანი გარდაიცვალა, ათასობით დაშავდა. გამოძიების მსვლელობისას აღნიშნულ საქმესთან დაკავშირებით 60 ათასამდე სამხედრო, ჟურნალისტი, პროფესორ-მასწავლებელი, პოლიციელი დააკავეს, ან სამსახურიდან გაანთავისუფლეს.
დაიხურა 140 მედია-საშუალება.