თურქეთში, კონია-აქსარაის გზაზე ავტოსაგზაო შემთხვევა მოხდა. ინფორმაციას რუსული გამოცემა vesti.ru ავრცელებს.
გამოცემის ინფორმაციით, რუსი ტურისტების ავტობუსი კაბადოკიისკენ მიემართებოდა. ანტალიაში რუსეთის გენერალური საკონსულოს მონაცემებით, ავარიის შედეგად 32 რუსი ტურისტიდან 26 ადამიანი დაშავდა, ხოლო 1 დაიღუპა.
ადგილობრივი სამართალდამცველის თქმით, მძღოლმა მოყინული გზის გამო საჭე ვერ დაიმორჩილა და ავტობუსის მართვაზე კონტროლი დაკარგა.
დაშავებული რუსი ტურისტები თურქეთის საავადმყოფოებში გადაიყვანეს.