(ვიდეო) თურქეთში დემონსტრანტებსა და სპეცრაზმელებს შორის ინტენსიური შეტაკებები მიმდინარეობს

სტამბოლში დაკავებული მერის, ეკრემ იმამოღლუს მხარდამჭერი საპროტესტო აქცია, მეხუთე დღეა, იმართება. ამ წუთებში ადგილი აქვს იტენსიურ შეტაკებებს დემონსტრანტებსა და სპეცრაზმელებს შორის.

სტამბოლის მერი ეკრემ იმამოღლუ სოციალურ ქსელში თანამოქალაქეებს მიმართავს და აცხადებს, რომ ყველაფერი კარგად იქნება.

„შიშს არავითარი აზრი არ აქვს!

მაინც დამარცხდები. ამ თუ სხვა გზით, შენ მაინც დამარცხდები!

შენ დამარცხდები ჩვენი სიმართლის, სიმამაცის, თავმდაბლობისა და გულწრფელი ღიმილის წინაშე!

ჩემო ძვირფასო ერო: არასოდეს იყო მოწყენილი, არასოდეს იყო იმედგაცრუებული, არასოდეს დაკარგო იმედი.

ჩვენ ხელიხელჩაკიდებულები მოვიგერიებთ ამ დარტყმას, ამ შავ ლაქას ჩვენს დემოკრატიაზე.

ახლოვდება დღე, როდესაც ადამიანები, რომლებიც მართავენ ამ პროცესს, პასუხისმგებელნი იქნებიან ყოვლისშემძლე შემოქმედის წინაშე…

მე ვიწვევ ჩემს 86 მილიონ მოქალაქეს, გავიდნენ საარჩევნო ყუთთან და გამოაცხადონ თავიანთი ბრძოლა დემოკრატიისა და სამართლიანობისთვის მთელ მსოფლიოს.

ვდგავარ მტკიცედ, ქედს არასოდეს მოვიხრი. ყველაფერი კარგად იქნება“, – წერს სტამბოლის მერი.

banner
წინა სტატიაშიუკრაინის ხელისუფლება არჩევნებს ჩაატარებს – დონალდ ტრამპის სპეცწარმომადგენელი
შემდეგი სტატიათბილისში მომხდარი ავიაკატასტროფიდან, რა დროსაც სსრკ-ის ცენტრალური აღმასრულებელი კომიტეტის პრეზიდიუმის წევრები დაიღუპნენ, 100 წელი გავიდა – ისტორიის ერთი დღე