თურქი ჯარისკაცები, რომლებიც სამხედრო გადატრიალების მცდელობისთვის არიან დაკავებული, ამბობენ, რომ მათ ეგონათ სწავლებები ჰქონდათ – ამის შესახებ თურქული Hurriyet ავრცელებს.
“მხოლოდ მაშინ, როცა ხალხი ტანკებზე ახტა, მივხვდით რაც ხდებოდა” – განაცხადა ერთ-ერთმა დაკავებულმა, რომლის ჯგუფშიც 10 ოფიცერი და 67 ჯარისკაცი იყო.
CNN Turk-ის ცნობით, ანკარაში ამბოხებულთა წინააღმდეგ ოპერაცია დასრულებულია. სახელმწიფო გადატრიალების მომხრეები ხელბორკილებით სამგზავრო ავტობუსებით გადაყავთ, მათ შორის 13 მაღალჩინოსანია.