7 აპრილს თურქეთის სასამართლომ ათობით ყოფილ სამხედრო მოსამსახურეს სამუდამო პატიმრობა მიუსაჯა 2016 წლის სამხედრო გადატრიალების მცდელობაში მონაწილეობის მიღებისთვის. მკაცრი სამუდამო პატიმრობა მიუსაჯეს 6 ყოფილ სამხედროს, 32 მათგანს – ჩვეულებრივი სამუდამო პატიმრობა.
თურქეთში სამხედრო გადატრიალების მცდელობა 2016 წლის 15 ივნისს იყო. ამ მოვლენებისას დაიღუპა 251 პირი და 2700-მა სხვადასხვა სიმძიმის დაზიანება მიიღო. აღნიშნული მოვლენების შემდეგ თურქეთში სამსახური სახელმწიფო სექტორის 100 ათასმა თანამშრომელმა დაკარგა. დაპატიმრებები გრძელდება.
