თურქეთში 15 წლამდე ბავშვებს სოციალური მედიის პლატფორმებზე წვდომა ეზღუდებათ.
თურქული მედიის ცნობით, კანონპროექტი სოციალური მედიის პლატფორმებს ასაკის გადამოწმების სისტემების დანერგვას, მშობელთა კონტროლის ინსტრუმენტების უზრუნველყოფას და საზიანოდ მიჩნეულ კონტენტზე სწრაფ რეაგირებას ავალდებულებს.
კანონპროექტი ძალაში მას შემდეგ შევა, რაც ქვეყნის პრეზიდენტი რეჯეფ თაიფ ერდოღანი მას ხელს მოაწერს.
გავრცელებული ინფორმაციით, ქვეყანაში აღნიშნული კანონპროექტის მიღებას წინ უძღოდა ქალაქ ქაჰრამანმარაშში დატრიალებული ტრაგედია. 14 წლის ბიჭმა საშუალო სკოლაში სროლისას ცხრა მოსწავლე და ერთი მასწავლებელი მოკლა – პოლიცია თავდამსხმელის ონლაინ აქტივობას იძიებს, რათა მისი მოტივაცია დაადგინოს.
