სტამბოლის პროკურატურამ ტექნიკური უნივერსიტეტის 103 პედაგოგის დაპატიმრების ორდერი გასცა – ისინი ფეხტულახ გიულენთან კავშირში არიან ეჭვმიტანილი – ავრცელებს Reuters-ი.
აღნიშნული ბრძანების თანახმად, უკვე დაკავებულია 70 პედაგოგი – პროფესორები, დოცენტები და ტექნიკური უნივერსიტეტის სხვა თანამშრომლები.
პოლიციამ მათ სახლებში და სამუშაო ადგილებში ჩხრეკა ჩაატარა.
როგორც იტყობინებიან, ბევრ ეჭვმიტანილს თავიანთ სმარტფონებში შეტყობინებათა გაცვლის დანართი ByLock-ი ჰქონდათ დაყენებული. მესენჯერს 15 ივლისს თურქეთში გადატრიალების მცდელობის ორგანიზატორები იყენებდნენ.
თურქეთში, მიმდინარე მომენტისთვის, პუტჩში ბრალდებული 32 ათასი ადამიანია დაკავებული.
