თურქეთის პარლამენტი ერდოღანს უფლებამოსილებას უფართოვებს

news
ავტ.: news დეკემბერი 30, 2016 22:59

თურქეთის პარლამენტი ერდოღანს უფლებამოსილებას უფართოვებს

თურქეთის პარლამენტის პროფილურმა კომიტეტმა მიიღო კანონპროექტი, საკონსტიტუციო ცვლილებების შესახებ, რომელიც ქვეყნის მეთაურს უფლებამოსილებას უფართოვებს – თურქული სააგენტო “ანადოლუ” ავრცელებს.
დოკუმენტის თანახმად, ქვეყანაში პრემიერ-მინისტრის პოსტის ნაცვლად იქნება ვიცე-პრეზიდენტის პოსტი. ქვეყნის მეთაურისა და ვიცე-პრეზიდენტის ხელში იქნება აღმასრულებელი ხელისუფლება.
გარდა ამისა, პარლამენტის დეპუტატების ასაკი 25-დან 18 წლამდე იცვლება, კანონმდებლების რაოდენობა კი 550-დან 600-მდე გაიზრდება.

1 დეკემბერს გავრცელდა, რომ აღნიშნული დოკუმენტის მიღების შემთხვევაში, ქვეყნის შეიარაღებული ძალები და სპეცსამსახურები ქვეყნის მეთაურის უშუალო დაქვემდებარებაში გადავლენ. ახლა ისინი უმაღლესი სამხედრო საბჭოს ექვემდებარებიან.
ახლა კანონპროექტი პარლამენტის გადაწყვეტილებას ელოდება.

news
ავტ.: news დეკემბერი 30, 2016 22:59