მთავრობის გადაწყვეტილებით, თურქეთიდან კარტოფილის შემოტანა 1 ივნისამდე აიკრძალა. განკარგულებას ხელი პრემიერმა მოაწერა.
მიზანი კარტოფილის კიბოს თავისუფალ ტერიტორიებზე გავრცელების თავიდან აცილებაა.
მსგავსი დროებითი ღონისძიების ამოქმედებას ფიტოსანიტარული სასაზღვრო-საკარანტინო კონტროლის განხორციელების წესის მე-17 მუხლი ითვალისწინებს.
სურსათის ეროვნული სააგენტოს განმარტებით, ეს არის დროებითი ფიტოსანიტარიული ზომა კარტოფილის თესვის სეზონის დასრულებამდე, რათა საკვებად გამიზნული თურქული კარტოფილი არ გამოიყენონ სათესად.