33 წლის შემდეგ პირველად, თურქეთ-სომხეთის სახმელეთო საზღვარი 7 ივნისის საპარლამენტო არჩევნებისა და სომხეთში კონსტიტუციური ცვლილებების მიღების შემდეგ გაიხსნება.
ამის შესახებ თურქეთში აზერბაიჯანის ელჩმა, რაშად მამედოვმა თურქულ ყოველდღიურ გამოცემა Cumhuriyet-თან ინტერვიუში განაცხადა.
ელჩმა აღნიშნა, რომ აზერბაიჯანი მუდმივ კონტაქტზეა თურქეთთან და სომხეთ-აზერბაიჯანის ურთიერთობების ნორმალიზების პარალელურად, სომხეთ-თურქეთის ურთიერთობების ნორმალიზების პროცესიც გრძელდება. მისივე თქმით, 7 ივნისს გასამართი საპარლამენტო არჩევნების შემდეგ, „სომხეთი საკონსტიტუციო ცვლილებების გზით აღმოფხვრის ტერიტორიულ პრეტენზიებს აზერბაიჯანის მიმართ“.
მამედოვის თქმითვე, ამის შემდეგ, აზერბაიჯანსა და სომხეთს შორის გაფორმდება სამშვიდობო ხელშეკრულება, რომელიც მანამდე აშშ-ში იქნა შეთანხმებული. აზერბაიჯანელი დიპლომატის განცხადებით, ამ პროცესის ბოლოს სომხეთ-თურქეთისა და სომხეთ-აზერბაიჯანის საზღვრებიც გაიხსნება. თურქეთ-სომხეთის სახმელეთო საზღვარი 1993 წლიდან ჩაკეტილია.
