თუ ვიღაცას ჰქვია „ბანანის რესპუბლიკა“, ჩვენ დაგვერქმევა სახელად „კანაფის რესპუბლიკა – რომან გოცირიძე

timer.ge თაიმერი
: timer.ge თაიმერი სექტემბერი 14, 2018 16:30

თუ ვიღაცას ჰქვია „ბანანის რესპუბლიკა“, ჩვენ დაგვერქმევა სახელად „კანაფის რესპუბლიკა – რომან გოცირიძე

მნიშვნელოვანი

  • „ის, რასაც ჩვენ ახლა ვხედავთ, არის ძალიან სასაცილო, კომიკურ სახეს იძენს ქვეყანაში, რომელიც 95 პროცენტით ამარაგებდა საბჭოთა კავშირს ჩაის პროდუქციით და სადაც არის ციტრუსების და ხილის წარმოების „მექა“, ვქმნით მარიხუანას სამინისტროს,“ – ეს განცხადება, პარლამენტის ფრაქცია „ნაციონალური მოძრაობის“ თავმჯდომარემ, რომან გოცირიძემ გააკეთა.

სხვა სტატიები

„ის, რასაც ჩვენ ახლა ვხედავთ, არის ძალიან სასაცილო, კომიკურ სახეს იძენს ქვეყანაში, რომელიც 95 პროცენტით ამარაგებდა საბჭოთა კავშირს ჩაის პროდუქციით და სადაც არის ციტრუსების და ხილის წარმოების „მექა“, ვქმნით მარიხუანას სამინისტროს,“ – ეს განცხადება, პარლამენტის ფრაქცია „ნაციონალური მოძრაობის“ თავმჯდომარემ, რომან გოცირიძემ გააკეთა.

რომან გოცირიძე კანაფის კონტროლის შესახებ პარლამენტში შესულ კანონპროექტზე საუბრისას აღნიშნავს, რომ „ქართული ოცნება“ ამ ცვლილებებს კონკრეტული პირების ინტერესებზე არგებს.

ოპოზიციონერი აცხადებს, რომ „მარიხუანას სამინისტროს“ შექმნა ქვეყნის იმიჯს აზარალებს.

„სოფლის მეურნეობა დეგრადირებულია, მივდივართ უკან და უკან და ვიღაცას თავში მოუვიდა თავხედური აზრი, რომ დასცინოს ხალხს. საქართველო გახდება მსოფლიოს რუკაზე ნარკოტიკების ექსპორტიორი სახელმწიფო და ამით დავიმკვიდრებთ სახელს. თუ ვიღაცას ჰქვია „ბანანის რესპუბლიკა“, ჩვენ დაგვერქმევა სახელად „კანაფის რესპუბლიკა,“ – განაცხადა რომან გოცირიძემ.

კანაფის კონტროლის შესახებ კანონი უკვე პარლამენტშია. საკანონმდებლო ცვლილებების მიხედვით, საქართველოში ლიცენზირებული იქნება არა მხოლოდ კანაფის დათესვა-მოყვანა და კულტივაცია, არამედ მისი გადამუშავება და სხვადასხვა პროდუქტის შემქნა, მათ შორის, სამედიცინო მიზნით. თუმცა, კანონპროექტის მიხედვით, ასეთი პროდუქცია საქართველოში არც საბითუმოდ და არც საცალოდ არ გაიყიდება და ის მხოლოდ ექსპორტზე გავა.

timer.ge თაიმერი
: timer.ge თაიმერი სექტემბერი 14, 2018 16:30

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,698
ვიზიტორი
დღეში
Powered By Google Analytics