“ერთიანი ნაციონალური მოძრაობის” ერთ-ერთი ლიდერის, პეტრე ცისკარიშვილის თქმით, პარტიას ოპზიციის ალიანსი ოფიციალურად არ დაუტოვებია, თუმცა შიდა ფორმატმა აზრი დაკარგა.
“ალიანსის იდეა კონსოლიდაცია იყო, თუმცა შიგნით თუ მუდმივად იქნება „ლანძღვა-გინება, ქილიკი და თავდასხმა“ ციხეში მყოფ ლიდერზე, გაუგებარია, რას ემსახურება ეს ერთობა.
ალიანსიდან შესვლა-გამოსვლაზე გადაწყვეტილებას მე არ ვიღებ, ეს არის კოლექტიური გადაწყვეტილება, მათ შორის მიხეილ სააკაშვილის ჩართულობით. ამ მომენტისთვის კონკრეტული მსჯელობა ნამდვილად არ ყოფილა“,_ ამბობს ცისკარიშვილი.
