თბილისში, სოხუმის დაცემის დღესთან დაკავშირებით, ანტისაოკუპაციო აქცია-მსვლელობა იმართება. მოქალაქეები თბილისის სახელმწიფო უნივერსიტეტის პირველი კორპუსიდან გმირთა მემორიალისკენ მიემართებიან.
მსვლელობაში ოპოზიციონერი პოლიტიკოსები, სტუდენტები და სამოქალაქო აქტივისტები მონაწილეობენ. ისინი პატივს მიაგებენ საქართველოს ტერიტორიული მთლიანობისთვის დაღუპულთა ხსოვნას, გმირთა მემორიალთან ყვავილებს მიიტანენ და რუსეთის ოკუპაციის დასრულებისა თუ ტერიტორიების დაბრუნების გზებზე მსჯელობენ. აქციის მონაწილეთა განცხადებით, ამ მიზნის მისაღწევად ქვეყანას ძლიერი საერთაშორისო პარტნიორების მხარდაჭერა სჭირდება.
