“ძალიან ბევრი ოჯახისთვის ეს არის შეღავათიანი იმიტომ, რომ ბევრისთვის მძიმე ტვირთი იყო თუნდაც სახელმწიფო უნივერსიტეტებში სწავლის საფასურის გადახდა. და მეორე მხრივ, წახალისებაა სტუდენტის კარგი სწავლისკენ. ისწავლე კარგად, მიიღებ შემდგომ სემესტრშიც დაფინანსებას. ეს ძალიან მნიშვნელოვანია და არა მგონია, რომ ამაზე ვინმემ თქვას რომ უსამართლო არის. ესე არის მთელ მსოფლიოში აბსოლუტურად. თუ მიიღებ დაფინანსებას, ეს არ ნიშნავს, რომ გაფინანსებენ თავიდან ბოლომდე, მთელი სწავლის პერიოდი და არ აქვს მნიშვნელობა შეასრულებ იმ კრედიტებს, თუ არ შეასრულებ. რა თქმა უნდა, ეს დამოკიდებულია სწავლის ხარისხზე და შესრულებული კრედიტების რაოდენობაზე” ,_ ამბობს TV იმედთან თბილისის სახელმწიფო სამედიცინო უნივერსიტეტის რექტორი, ირაკლი ნატროშვილი.
გასული წლის დეკემბერში ქართულმა ოცნებამ განაცხადა, რომ საქართველოს ისტორიაში პირველი ხელისუფლება იყო, რომელმაც უმაღლესი განათლება უფასო გახადა.
