“თითი ჰქონდა მოჭრილი და შემდეგ მიკერებული” – ბიძინა კუჭავას ცხედარს დაზიანებები აღენიშნება

news
ავტ.: news იანვარი 18, 2016 14:15

“თითი ჰქონდა მოჭრილი და შემდეგ მიკერებული” – ბიძინა კუჭავას ცხედარს დაზიანებები აღენიშნება

bidzinaaaaaრადიო „საქართველოს ხმის“ დირექტორის მამუკა კუჭავას ინფორმაციით, ოჯახმა პროკურორის მკვლელობაში ბრალდებული ბიძინა კუჭავას ცხედარი უკვე დაათვალიერა. მისი თქმით, გარდაცვლილს სხეულზე რამდენიმე დაზიანება აღენიშნება.

„მიცვალებული მოასვენეს სახლი, ოჯახის წევრებმა დაათვალიერეს გვამი და არის ისეთი დაზიანებები, რომელიც მკვლელს არ უნდა ჰქონდეს. აქ საუბარი არაა მხოლოდ თავის არეში არსებულ დაზიანებებზე, სხვა ადგილზეც აქვს დაზიანებები. თითი აქვს მოჭრილი და მიკერებული. დაზიანებული აქვს ასევე ფეხი, არ შეიძლებოდა ამ კაცს სიარული მოეხერხებინა და შემდეგ თავი მოეკლა“, – ამბობს მამუკა კუჭავა.

როგორც ცნობილია, ოჯახის გადაწყვეტილებით ცხედარს დამოუკიდებელ ექსპერტიზას ჩაუტარებს მაია ნიკოლაიშვილი.

პროკურორი ვახტანგ ქირია გარდაცვლილი შაბათს საღამოს იპოვეს. შსს-ს ინფორმაციით, მკვლელობაში ბრალდებული რადიო „საქართველოს ხმის“ დირექტორი ბიძინა კუჭავაა, რომელმაც გუშინ დილით თავი მოიკლა.

news
ავტ.: news იანვარი 18, 2016 14:15