ვიქნები თუ არა მომავალ მთავრობაში თავდაცვის მინისტრი, ეს მოსახლეობის გადასაწყვეტია, – ამის შესახებ საქართველოს თავდაცვის მინისტრმა თინა ხიდაშელმა მედიის წარმომადგენლებთან შეხვედრის დროს განაცხადა.
თინა ხიდაშელის თქმით, თავდაცვის მინისტრად დარჩენა დამოკიდებულია იმაზე, თუ რა შედეგებით დასრულდება ოქტომბრის არჩევნები.
„ვიქნები თუ არა მომავალ მთავრობაში თავდაცვის მინისტრი, მოსახლეობის გადასაწყვეტია. ეს დამოკიდებულია მთლიანად იმაზე, თუ რა შედეგებით დასრულდება ოქტომბრის არჩვნები. ეს ქართული საზოგადოების გადასაწყვეტია. დიდი იმედი მაქვს, ისევ ვიქნები მინისტრი, ზუსტად ვიცი, რა ჭირდება თითოეულ ჯარისკაცს. თუმცა, ქართული საზოგადოების გადასაწყვეტია, არა მხოლოდ ვინ იქნება თავდაცვის მინისტრი, არამედ,ზოგადად, ვინ იქნება მთავრობაში, პრემიერ-მინისტრიც და თითოეული მინისტრიც. 8 ოქტომბერი მნიშვნელოვანი თარიღია”, – განაცხადა თინდა ხიდაშელმა.
