თავდაცვის სამინისტროს ამწუთიერ გეგმებში მინისტრის ცვლილება არ არის, – ამის შესახებ საქართველოს თავდაცვის მინისტრმა თინა ხიდაშელმა გავრცელებული ინფორმაციის კომენტირებისას აღნიშნა, რომლის თანახმად შესაძლოა “რესპუბლიკელმა” მინისტრებმა პოსტები დატოვონ.
“მე რეზერვის კონცეფციაზე სასაუბროდ მოვედი, ამის შემდეგ ერთ-ერთ სამხედრო ბაზაზე გეპატიჟებით წვრთნების დასრულებაზე. ჩვენ გვაქვს გაწერილი საკმაოდ გრძელი გეგმები და ამ წუთიერ გეგმებში მინისტრის ცვლილება არ არის”, – განაცხადა თინა ხიდაშელმა.
კითხვაზე, რა შემთხვევაში შეიძლება წავიდეს თავდაცვის მინისტრი პოსტიდან, ხიდაშელმა აღნიშნა, რომ “ნებისმიერი მინისტრი პოსტიდან მიდის პრემიერის გადაწყვეტილებით”.