რუსეთის ერთ-ერთი არხის გენერალურმა პროდიუსერმა თინა კანდელაკმა რუსულ მედიასთან საქართველოში მიმდინარე მოვლენების შეფასებისას თქვა, რომ საქართველოს ხელისუფლებას მეტი დაფიქრება მართებდა. “სამწუხაროდ, საქართველოს ხელისუფლება თავის პოლიტიკურ ამოცანებს მის შედეგებზე დაუფიქრებლად იღებს. არსებულ ვითარებაში ყველამ უნდა გაიაზროს რისკები. რუსეთს რისკები არა აქვს, საქართველოს კი – ბევრი აქვს. მათ შორის, რუსი ტურისტების დაკარგვაა. დაკარგეთ, გილოცავთ!” – თქვა კანდელაკმა.
შეგახსენებთ, რომ მანამდე ვლადიმირ პუტინმა საქართველოსთან საჰაერო მიმოსვლა აკრძალა. რუსეთის ოფიციალურმა სტრუქტურებმა კი ტუროპეარტორებს საქართველოში ტურების გაუქმებისკენ მოუწოდა.
