ენმ-ის თავმჯდომარე თინა ბოკუჩავა აშშ-ის სახელმწიფო დეპარტამენტის წარმომადგენლებთან შეხვედრას გამოეხმაურა და აღნიშნა, რომ რეგიონული პროექტების განხორციელება ვაშინგტონთან ურთიერთობების აღდგენაზეა დამოკიდებული.
ბოკუჩავას განმარტებით, ამერიკული ინვესტიციების მოსაზიდად აუცილებელია ქვეყანაში პოლიტიკური პროცესების ნორმალიზება და ფუნდამენტური უფლებების დაცვა.
„აუცილებელია პოლიტიკური პატიმრების გათავისუფლება იმისთვის, რომ საქართველო გახდეს სანდო და სტაბილური პარტნიორი ამერიკისთვის, რომელიც დღეს ჩვენი რეგიონით ისეა დაინტერესებული, როგორც არასდროს“, — აღნიშნა ბოკუჩავამ.
