თიბისი კონცეპტის და Coaching Lab-ის პარტნიორობის ფარგლებში, პირველად საქართველოში პროგრამა: „ბიზნეს ქოუჩინგი: ლიდერობის ახალი პარადიგმა“

თიბისი კონცეპტი და თიბისი ბიზნესისთვის Coaching Lab-თან პარტნიორობის ფარგლებში, წარმოგიდგენთ სიახლეს – ბიზნეს ქოუჩინგი: ლიდერობის ახალი პარადიგმა“

27 ოქტომბრიდან, თიბისი კონცეპტის მულტიფუნქციური სივრცე, მარჯანიშვილის 7-ში უმასპინძლებს სატრენინგო შეხვედრებს.

 

„ბიზნეს ქოუჩინგი: ლიდერობის ახალი პარადიგმა“ არის ICF-ის მიერ, მსოფლიო სტანდარტების შესაბამისად აკრედიტებული სასწავლო პროგრამა, რომელიც ორიენტირებულია ადამიანებში ლიდერობის პარადიგმის ცვლილებაზე. პროგრამა გაძლევთ შესაძლებლობას გახდეთ პროფესიონალი ბიზნეს ქოუჩი, რაც გულისხმობს როგორც ქოუჩინგის საბაზისო ცოდნისა და კომპეტენციების შესწავლას, ისე 21-ე საუკუნის ლიდერობის გაცნობიერებასა და თანამედროვე ბიზნეს მოდელებზე მორგებას.

 

პროგრამა შედგება ოთხი მოდულისგან და  მოიცავს 84 სატრენინგო საათს, ჯგუფურ და ინდივიდუალურ მენტორინგს (ჯამში 10 საათი), პრაქტიკულ მუშაობას სუპერვიზიის თანხლებით, ინდივიდუალურ მუშაობას და  გამოცდას.

 

პროგრამის ოთხი მოდული აერთიანებს ოთხ მიმართულებას: კულტურა, ორგანიზაცია, მართვა, ადამიანი. თითოეულ თემაში მოცემულია როგორც თეორიული მასალა, ისე პრაქტიკული ინსტრუმენტები, ქოუჩის კომპეტენციები, ბიზნეს ქეისები.

მენტორინგის ამოცანაა მონაწილეებში განავითაროს ქოუჩის კომპეტენციები და უნარ-ჩვევები. სუპერვიზიის და პრაქტიკული მუშაობის საშუალებით, მონაწილეები აუმჯობესებენ სტრატეგიულ აზროვნებას, გუნდთან მუშაობის უნარებს, ემოციურ ინტელექტს, მართვის კომპეტენციებსა და სოციალურ უნარებს.

 

 

პროგრამის თარიღებია:

  • მოდული 1: კულტურა- 27-29 ოქტომბერი
  • მოდული 2: ორგანიზაცია – 24-26 ნოემბერი
  • მოდული 3: მართვა – 22-24 დეკემბერი
  • მოდული 4: ადამიანი – 2-4 თებერვალი

 

 

პროგრამას გაუძღვებიან:

 

  • ეკატერინე ბაბუნაშვილი – ქოუჩინგ ლაბის მმართველი პარტნიორი, სერტიფიცირებული ბიზნეს ტრენერი, PCC ქოუჩი 10 წლიანი საერთაშორისო გამოცდილებით , ICF საქართველოს წარმომადგენლობის თანადამფუძნებელი და პირველი პრეზიდენტი.

 

  • ირინა ჭოჭუა – ქოუჩინგ ლაბის დამფუძნებელი პარტნიორი, სერტიფიცირებული ქოუჩი 10 წლიანი გამოცდილებით, ლიცენზირებული პრაქტიკოსი ნეირო-ლინგვისტურ პროგრამირებაში, TED-ის სპიკერი.

 

  • დეა ჩხაიძე – ფსიქოლოგი, PCC ქოუჩი, ადამიანებისა და ორგანიზაციის განვითარების კონსულტანტი და საქართველოს ჯანდაცვის ჯგუფის  ადამიანებისა და კულტურის დირექტორი.

 

  • სტეფან ბანაჩი – ჰამბურგის უნივერსიტეტის სოციოლოგიის მაგისტრი,  PCC ქოუჩი,  ადამიანური კაპიტალის განვითარების კონსულტანტი საერთაშორისო ბაზარზე მუშაობის 20 წლიანი გამოცდილებით და საკონსულტაციო კომპანიის BCD Consulting in Development Co.Ltd. დამფუძნებელი.

 

მიღების წინაპირობა:

ჯგუფის დაკომპლექტება ხდება წინასწარი გასაუბრების საფუძველზე. ყურადღება მიექცევა მონაწილის მოტივაციას, ცოდნას და გამოცდილებას ბიზნეს სფეროში.

 

დეტალური ინფორმაციისთვის გადადით ბმულზე: https://coachinglab.ge/icf-certification/

 

ქოუჩინგ ლაბი არის პიროვნული და პროფესიული განვითარების პლატფორმა, რომელიც 2017 წლიდან, საქართველოში ნერგავს ტრანსფორმაციულ ნეირო ტექნოლოგიებს. პროგრამა აგებულია საუნივერსიტეტო სწავლების სტანდარტის მიხედვით. სერტიფიცირებული ქოუჩის კვალიფიკაციის მოსაპოვებლად მონაწილეებს მოეთხოვებათ დაესწრონ სატრენინგო და პრაქტიკული მუშაობის საათების მინიმუმ 80%-ს ცოცხალ რეჟიმში, გაიარონ პროგრამით გათვალისწინებული 10 საათიანი მენტორინგი და წარმატებით ჩააბარონ გამოცდა.

banner
წინა სტატიაშილავროვი – უკრაინა დასავლეთისგან შორ მანძილზე მოქმედ შეიარაღებას თუ მიიღებს, სპეცოპერაციის გეოგრაფიული ამოცანები შეიცვლება
შემდეგი სტატიასაქართველოს ბანკის მხარდაჭერით Fuckup Nights Tbilisi მეტავერსში პირველად ჩატარდება