სპეცოპერაციის დროს დაჭრილი თერილმან მაჩალიკაშვილის ოპერაცია დასრულდა. ნეიროქირურგიული ოპერაცია დაახლოებით სამი საათის განმავლობაში მიმდინარეობდა.
ახალგაზრდას ქალა-ტვინის გამჭოლი ჭრილობა აქვს. გავრცელებული ინფორმაციით, ამ ეტაპზე პაციენტის მდგომარეობა საკმაოდ მძიმეა და ის მოთავსებულია რეანიმაციულ განყოფილებაში.
სუს-მა დღეს 5 პირი დააკავა, აქედან 4 პანკისში, ერთი კი – თბილისში. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად. პანკისში ჩატარებული სპეცოპერაციის დროს ერთი პირი დაიჭრა.
