თბილისში, თემქის დასახლებაში, ერთ-ერთ საცხოვრებელ კორპუსში ხანძარი გაჩნდა.
შემთხვევის ადგილზე მობილიზებულია სახანძრო-სამაშველო სამსახურის რამდენიმე ეკიპაჟი, რომლებიც ცეცხლის ლოკალიზებასა და სალიკვიდაციო სამუშაოებს ახორციელებენ.
ამ დროისთვის ხანძრის გამომწვევი მიზეზი უცნობია. ასევე ზუსტდება, არიან თუ არა დაშავებულები და რა მასშტაბის ზიანი მიადგა საცხოვრებელ კორპუსს.
