თელავში, ბუნებრივ აირზე ტარიფის გაზრდას “ნაციონალური მოძრაობა” აპროტესტებს. პარტიის წევრები დღეს სოფელ აკურაში ჩავიდნენ და ხელმოწერების შეგროვება დაიწყეს . “ნაციონალური მოძრაობის” კახეთის რეგიონული ორგანიზაციის ხელმძღვანელის, გიორგი ბოტკოველის განცხადებით, ხელმოწერები მთელი რაიონის მასშტაბით შეგროვდება და ენერგეტიკის სამინისტროს გაეგზავნება.
თელავში ბუნებრივი აირის ტარიფი იზრდება. 1-ელი აპრილიდან მომხმარებელს 1 კუბურ მეტრზე 48 თეთრის ნაცვლად, 59 თეთრს გადახდა მოუწევს. გაზრდილი ტარიფის შესახებ, კომპანია “ვისოლმა” აბონენტებს შეტყობინება უკვე გაუგზავნა.