თელავში ბუნებრივი აირის ტარიფი იზრდება. 1-ელი აპრილიდან მომხმარებელს 1 კუბურ მეტრზე 48 თეთრს ნაცვლად, 59 თეთრის გადახდა მოუწევს. ტარიფის მოსალოდნელი გაზრდის შესახებ კომპანია “ვისოლმა” აბონენტებს შეტყობინება უკვე გაუგზავნა.
თელავში, ბუნებრივი აირის გაძვირება “ნაციონალურ მოძრაობაში” გააპროტესტეს. პარტიის კახეთის რეგიონული ორგანიზაციის თავმჯდომარემ გიორგი ბოტკოველმა სპეციალური ბრიფინგი გამართა და ტარიფის ზრდაში ენერგეტიკის სამინისტრო დაადანაშაულა.
