თეა წულუკიანმა რუსთაველის თეატრის ხელმძღვანელად ისევ რობერტ სტურუა დანიშნა

კულტურის მინისტრმა თეა წულუკიანმა, შოთა რუსთაველის სახელობის ეროვნული თეატრის სამხატვრო ხელმძღვანელად ისევ რობერტ სტურუა დანიშნა.

გარდა ამისა, წულუკიანის გადაწყვეტილებით, რეზო გაბრიაძის თეატრის სამხატვრო ხელმძღვანელად რეჟისორი და მსახიობი ლევან გაბრიაძე დაინიშნა, ხოლო ჩრდილების პროფესიული სახელმწიფო თეატრ “აფხაზეთის” სამხატვრო ხელმძღვანელად რეჟისორი, მსახიობი და დრამატურგი გელა კანდელაკი.

სამინისტროს ინფორმაციით, “კულტურის მინისტრმა პროფესიული თეატრების შესახებ საქართველოს კანონის მეათე მუხლის მერვე პუნქტის „გ“ ქვეპუნქტის შესაბამისად გამოიყენა დისკრეციული უფლება, საკუთარი შეხედულებისამებრ, უკონკურსოდ დაენიშნა სამინისტროს მმართველობის სფეროში მოქმედი სამი თეატრის სამხატვრო ხელმძღვანელები”.

წინა სტატიაშიწულუკიანი – არ მჯერა სააკაშვილის და სხვა ოპონენტების გულწრფელობის, დღეს მათ მოიხურეს კრავის ტყავები და თავს გვაჩვენებენ, თითქოს ჰარმონია სურთ
შემდეგი სტატიასრულიად ფუჭია კობახიძის მიერ გასროლილი სიტყვები, რადგან ყველაფერს გადაწყვეტს ქართული საზოგადოება, რომელიც დარწმუნებული ვარ, უარს ეტყვის „ქართულ ოცნებას“ – გიგი წერეთელი