თეა წულუკიანი – ნიკა მელია, როგორც პოლიტიკოსი, დღეს არის დასრულებული, ის ეკუთვნის წარსულს

ნიკა მელია, რომელიც შეიძლებოდა, მის დაპატიმრებამდე ჩაგვეთვალა, რომ იყო პერსპექტიული პოლიტიკოსი, დღეს არის დასრულებული, ის ეკუთვნის წარსულს, – ამის შესახებ საქართველოს კულტურის მინისტრმა თეა წულუკიანმა განაცხადა.

წულუკიანის თქმით, ის საჯარო განცხადებებით ნიკა მელიას ურჩევდა, რომ საჭირო იყო კანონმორჩილება, რათა პოლიტიკოსად შემდგარიყო, თუმცა არ შეისმინა.

შესაბამისად, წულუკიანის განმარტებით, დღეს ნიკა მელია, როგორც პოლიტიკოსი, დასრულებულია.

„რადგან მასზე უფროსი ვარ და მგონია, რომ კარგია, ახალგაზრდა პოლიტიკოსები შემოვიდნენ პოლიტიკურ სცენაზე, არაერთხელ, მის დაკავებამდე და პატიმრობის განმავლობაშიც მივეცი ინტერვიუ და გავაკეთე განცხადებები იმის გამო, რომ ის ამას შეისმენდა, ვინაიდან, როგორც ვიცი, და ეს კარგად მომეხსენება, ყველა საკანში არის წვდომა ტელევიზიაზე. მას ჰქონდა წვდომა ტელევიზიაზე, როცა მე ვიყავი მინისტრი და დარწმუნებული ვარ, მერეც ჰქონდა. ამიტომ ის უსმენდა, მაგრამ არ შეისმინა. მე ვამბობდი ერთ რამეს, რომ საჭიროა გირაოს გადახდა, საჭიროა კანონმორჩილება იმისთვის, რომ პოლიტიკოსად შედგე. მან ეს ვერ მოისმინა, ეს არ შეისმინა. სამწუხაროდ, ალბათ, არ გაიგო სხვა რჩევებიც კეთილი ადამიანების, რომლებიც მისი ოჯახის წევრები და მეგობრები არიან. შესაბამისად, დღეს, სამწუხაროდ, ის არის დასრულებული, როგორც პოლიტიკოსი. ამიტომ თქვენ რომ მეკითხებით, რას ფიქრობთ, ეს ჩემთვის არის აბსოლუტურად მეასეხარისხოვანი, რადგან ჩვენ უკვე წარსულის ახალგაზრდა პოლიტიკოსზე ვსაუბრობთ“, – აღნიშნა თეა წულუკიანმა.

რეკლამის ბანერი
წინა სტატიაშიმანჯგალაძე – „ქართული ოცნება“ ცდილობს, სანქცირების მექანიზმი გამოიყენოს, როგორც სადამსჯელო მექანიზმი
შემდეგი სტატიადეკანოიძე – ჩვენს პარტნიორებს დიდი მადლობა, მაგრამ მიშელის დოკუმენტთან დაკავშირებით ჩვენი პოზიცია იგივეა