The Washington Post-ის ინფორმაციით, აშშ-ის დაზვერვა ვარაუდობს, რომ ისრაელის პრემიერ-მინისტრ ბენიამინ ნეთანიაჰუს აშშ-სა და ირანს შორის შეთანხმებების განხორციელებისთვის ხელის შეშლა სურს.
„აშშ-ის მოქმედმა და ყოფილმა მაღალჩინოსნებმა თქვეს, რომ სადაზვერვო სააგენტოებმა ადმინისტრაცია გააფრთხილეს: ნეთანიაჰუ დიდი ალბათობით ნაბიჯებს გადადგამს აშშ-ის პრეზიდენტის, დონალდ ტრამპის მცდელობების ჩასაშლელად ხანგრძლივი სამშვიდობო შეთანხმება მიაღწიოს ირანთან. ისრაელის პრემიერი ინტენსიური პოლიტიკური ზეწოლის ქვეშ იმყოფება, რომელიც ლიბანში ომის წარმოებას აიძულებს“, – წერს გამოცემა.
დაზვერვის ანგარიშების თანახმად, ისრაელის ხელმძღვანელობა აპირებს ლიბანში „ჰეზბოლას” წინააღმდეგ სამხედრო ოპერაციების გაგრძელებას იმისდა მიუხედავად, რომ ამ ქვეყანაში საბრძოლო ქმედებების შეჩერება აშშ-ისა და ირანის შეთანხმებების მნიშვნელოვანი ელემენტია.
ერთ-ერთი წყაროს თქმით, „ჰეზბოლას” წინააღმდეგ დარტყმების ნებისმიერი შეჩერება ან ისრაელის სამხედროების ლიბანიდან გაყვანა მარცხი იქნება ნეთანიაჰუსთვის.
ასევე, აშშ-ის დაზვერვა ვარაუდობს, რომ ისრაელის ხელისუფლებას არ მოსწონს აშშ-ისა და ირანის მემორანდუმის პირობები, რომელიც არ ითვალისწინებს ირანზე მაქსიმალურ ზეწოლას.
