კარაკასზე აშშ-ის საჰაერო დარტყმების შემდეგ, ნიკოლას მადუროს ადგილსამყოფელი უცნობია. ამის შესახებ გამოცემა The New York Times საკუთარ სანდო წყაროებზე დაყრდნობით ავრცელებს.
ცნობისთვის, საერთაშორისო მედიის ცნობით, აშშ-ის პრეზიდენტმა, დონალდ ტრამპმა, ვენესუელაში სამხედრო ოპერაციის დაწყების ბრძანება გასცა.
შეგახსენებთ, რომ დღეს, 3 იანვარს, ვენესუელას დედაქალაქ კარაკასზე დარტყმები განხორციელდა. საერთაშორისო მედიის წყაროების ინფორმაციით, ტრამპმა ოპერაციის გეგმები რამდენიმე დღის წინ დაამტკიცა. ვენესუელამ აშშ „სამხედრო აგრესიაში“ დაადანაშაულა, პრეზიდენტმა მადურომ კი ქვეყანაში საგანგებო მდგომარეობა გამოაცხადა.
