21 თებერვალს უკრაინამ დონალდ ტრამპის ადმინისტრაციისგან მიიღო ბუნებრივი რესურსების გამოყენების შესახებ შეთანხმების ახალი ვერსია. შეთანხმების პროექტი პირველ ვერსიაზე უფრო მკაცრი აღმოჩნდა- იტყობინება უკრაინული გამოცემა NV (New Time) და The New York Times წყაროებზე დაყრდნობით.
შეთანხმების წინა ვერსიაში ნათქვამია, რომ უკრაინა უნდა დათანხმდეს შეერთებულ შტატებთან ერთობლივი ფონდის შექმნას, რომელშიც წიაღის განვითარების უფლებებიც იქნებოდა შეტანილი. ფონდი ამ უფლებებს ამერიკელი ინვესტორების სასარგებლოდ გაანაწილებს და წიაღისეულის მოპოვებითა და გაყიდვით მიღებული შემოსავალი კიევსა და ვაშინგტონს შორის 50/50 თანაფარდობით გაიყოფა.
ახალ ვერსიაში ვაშინგტონი სთავაზობს შეერთებული შტატებისთვის მომავალი ფონდის ქონების 100%-ის უზრუნველყოფას და მხარეთა შენატანების განაწილებას ორი-ერთის თანაფარდობით, სადაც უკრაინული მხარე ორ მესამედს შეიტანს წარმოებიდან მომავალი შემოსავლით, ხოლო ამერიკული მხარე – მესამედს, რომელიც მან უკვე უზრუნველყო იარაღის სახით.
ამერიკული მხარე გვთავაზობს ფონდის ზომას 500 მილიარდ დოლარად განისაზღვროს – ეს არის კომპენსაცია უკვე გაწეული და მომავალი ამერიკული ხარჯებისთვის კიევისთვის სამხედრო და ფინანსურ დახმარებაზე, რომელიც დონალდ ტრამპს სურს მიიღოს უკრაინისგან.
The New York Times აღნიშნავს, რომ ეს თანხა შეთანხმების წინა ვერსიაში არ იყო მითითებული.
ამერიკული გამოცემის ცნობით, ახალი შეთანხმების პროექტში ასევე შედის პუნქტი რუსეთის მიერ ამჟამად ოკუპირებული ტერიტორიებიდან, მათი განთავისუფლების შემთხვევაში შემოსავლების შესახებ. მოსალოდნელია, რომ გათავისუფლებული ტერიტორიებიდან ფონდში შემოსული შემოსავლის წილი 66% იქნება.
ახალი შეთანხმების პროექტი “შეიცავს ფაქტობრივად იმავე დებულებებს, რომლებიც ადრე უარყო კიევმა, როგორც ძალიან მძიმე, ზოგიერთი პირობა უფრო მკაცრი ჩანს, ვიდრე წინა პროექტში,”- აღნიშნავს The New York Times.
