დიდმა ბრიტანეთმა მიიღო გადაწყვეტილება, უკრაინას დათანხმდეს ბრიტანული Storm Shadow-ს ტიპის რაკეტების რუსეთის ობიექტებზე დარტყმებისთვის გამოყენებაზე, – ამის შესახებ The Guardian-ი ანონიმურ წყაროზე დაყრდნობით წერს.
ბრიტანული მხარე რუსეთზე დარტყმებისთვის შორი მანძილის რაკეტების გამოყენების შესახებ საჯარო განცხადებას ზედმეტად პროვოკაციულად მიიჩნევს.
„საკმაოდ სავარაუდოა, რომ უკრაინა შეძლებს Storm Shadow-ს ტიპის რაკეტების გამოყენებას გარკვეული შეზღუდვებით, რათა თავიდან აიცილოს დაუფიქრებელი ან არასაჭირო თავდასხმები“, – წერს გამოცემა.
ერთ-ერთმა წყარომ აღნიშნა ისიც, რომ ასეთი გადაწყვეტილების გარეშე არ შედგებოდა ბრიტანეთის საგარეო საქმეთა მინისტრისა და აშშ-ის სახელმწიფო მდივნის ერთობლივი ვიზიტი კიევში.
The Guardian-ის ცნობით, სახელმწიფო მდივანმა ბლინკენმა ასევე „მინიშნა„, რომ ვაშინგტონმა მიიღო მსგავსი გადაწყვეტილება ATACMS რაკეტებთან დაკავშირებით.
